Posted by: மீராபாரதி | August 3, 2017

சுன்னத்தும் கத்னாவும்

சுன்னத்தும் கத்னாவும் – சில சந்தேகங்கள்.

ஒரு சமூகத்தின் மதத்தின் சடங்குகள் நம்பிக்கைகள் தொடர்பாக இன்னுமொரு சமூகத்தினர் மதங்களைச் சேர்ந்தவர்கள் எழுதும் பொழுது மிகவும் பொறுப்புணர்வுடன் எழுத வேண்டும். ஆனால் ஒவ்வொருவரும் அல்லது பெரும்பாலானவர்கள் தம் சமூகத்தையும் மதத்தையும் உயர்வாகவும் மற்றதை தாழ்வாகவும் மட்டுமல்ல ்மிக மோசமாகவும் விமர்சிக்கின்றார்கள். இது ஆரோக்கியமான விவாதங்களுக்கு இட்டுச் செல்வதில்லை. மாறாக குரோத உணர்வுகளை வளர்த்து பகைமையையே வளர்க்கின்றது.

மதங்கள் என்பவை பொதுவாக மனிதர்களுக்கும் குறிப்பாக பெண்களுக்கும் குழந்தைகளுக்கும் எதிரானவையே. இவர்களை சிறுவயதிலிலுந்தே தம் மத நம்பிக்கைகளுக்கு ஏற்ப “மோல்” பண்ணிவிடுகின்றன. இதனால் இவர்களுக்கு இதிலிருந்து விடுபடுவது என்பது மிகவும் சிக்கலானதாகிவிடுகின்றது. அதேநேரம் அதன் மீதான நம்பிக்கையே அவர்களது வாழ்வைத் தீர்மானிப்பதாகவும் மாறிவிடுகின்றது. ஆகவே இதற்கு எதிராக எந்த விமர்சனத்தை வைக்க முடியாதளவிற்கும் கொண்டுவந்து விடுகின்றது. உதாரணமாக சிறு வயதிலையே பௌத்த மதகுருமாராக சேர்க்கப்படும் சிறுவர்கள்.  இது சிறுவர்களுக்கு எதிரான அடிப்படை மனித உரிமை மீறல். ஆனால் மத நம்பிக்கையின் அடிப்படையில் உரையாட முடியாது. இதேபோல் போரினால் பாதிக்கப்பட்ட மக்களை கடவுள் பல முறை  ககைவிட்டபோதும் கோயில் நிகழ்வுகளும் அதன் மீதான நம்பிக்கைளும் அவர்களுக்கு ஒரு ஆற்றுப்படுத்தலாக இருக்கின்றன. ஆகவே எல்லோராலும் கைவிடப்பட்ட இந்த மக்களுக்கும் அவர்களின் நம்பிக்கைகளுக்கும் எதிராக கதைப்பது சில நேரம் அவர்களின் வாழ்க்கைக்கு எதிராக மாறிவிடுகின்றது. ஆற்றுப்படுத்துவதற்குப் பதிலாக அவதிக்குள் வாழ நிர்ப்பந்திக்கின்றது. ஆகவே மதங்களையும் மக்களின் நம்பிக்கைகளையும் விமர்சிப்பவர்கள் மிகவும் அவதானத்துடன் இருப்பதுடன் நுண்ணுணர்வு கொண்டவர்களாக இருப்பதும் அவசியமானது. ஆனால் இவ்வாறான ஒரு பண்பை மிக அரிதாகவே காண்கின்றோம்.

இந்தடிப்படையில் சுன்னத்து தொடர்பாகவும் கத்னா தொடர்பாகவும் எனது புரிதலையும் சில சந்தேகங்களையும் கேள்விகளையும் முன்வைக்கின்றேன். இது குறிப்பிட்ட மத நம்பிக்கையின் பாற்பட்ட எனது புரிதலின் அடிப்படையில் முன்வைக்கவில்லை. மாறாக பாலியல் சார்ந்த எனது மட்டுப்படுத்தப்பட்ட அறிவின் அடிப்படையிலையே முன்வைக்கின்றேன். தவறுகள் இருப்பின் சுட்டிக்காட்டலாம். தொடர்ந்து உரையாடுவதன் மூலம் சந்தேகங்களை நிவர்த்தி செய்யலாம்.

Penis_lateral_cross_sectionசுன்னத்து என்பது ஆண் குறியின் மேல் இருக்கும் தோலை அகற்றுவதாகும். இந்த தோல் என்பது பெண்களின் குறியைச் சுற்றியிருக்கும் தோலின் ஒரு பகுதியாகும்.  இதை  அகற்றுவதால் ஆண் குறியின் உள் பகுதிகள் சுத்தமாக இருக்கும் என நம்பப்படுகின்றது. இதைவிட வேறு மதக் காரணங்களும் இருக்கலாம். ஆனால் இயற்கையானது ஆண்குறியின் உள்பகுதியை பாதுகாப்பாக வைத்திருப்பதற்கே அவ்வாறான ஒரு தோலை வைத்திருக்கின்றது. இத் தோல் இருக்கும் போதே அதைச் சுத்தமாக வைத்திருப்பதில் ஒரு பிரச்சனையுமில்லை. ஆனால் இதை அகற்றிவிட்டால் ஆண் குறியில் இருக்கின்ற மென்னுணர்வு இல்லாமல் போய்விடுகின்றது. அதேநேரம் ஆண் குறியின் தொப்பியின் கீழ் இருக்கின்ற (கிளிட்டரஸ்) பகுதிக்கு எந்தப் பாதிப்பும் ஏற்படாது. ஆகவே ஆண்களின் பாலியல் உணர்வில் பாதிப்பு ஏற்படுவதில்லை.

Figure_28_02_02கத்னா என்பது பல வகைகள் உண்டு. அதில் முக்கியமானது சின்ன லாபியாவிற்கு உள்ளே யோனிக்கு மேலே முத்திர குழாய் உள்ளது. அதற்கு மேல் தொப்பி போன்ற பகுதி உள்ளது. இதுவே கிளிட்டரஸாகும். இதுவே பெண்களுக்கு பாலியல் காம உணர்வை ஏற்படுத்தும் பகுதியாகும். இதை வெட்டி நீக்குவது அவர்களது பாலியல் காம உணர்வையே அகற்றுவதாகும். ஆகவே அதை அகற்றுவது தனிமனித அடிப்படை உரிமை மீறலாகும். இன்று இலங்கையில் முஸ்லிம் மக்களிடையே இது முக்கியமான விவாதப் பொருளாக இருக்கின்றது. இலங்கையில் இச் சடங்கானது பெரியளவில் நடைமுறையில் இல்லை என்றே சொல்கின்றார்கள். அண்மையில் கனேடிய பத்திரிகையில் வந்த செய்தியிலும் அவ்வாறுதான் கூறுகின்றது. ஆனால் இவ்வாறான ஒரு செயற்பாடு ஒரு பெண்ணுக்கு நடந்தாலும் அது அப் பெண்ணுக்கு மேற்கொள்ளப்படும் வன்முறையாகும். ஆகவே இது நடைமுறையில் இருந்தால் நிறுத்தப்பட வேண்டும்.

இலங்கையில் நடைபெற்ற மலையக இலக்கிய சந்திப்பில் ஒருவர் தனக்கு நடைபெற்ற சுன்னத்து சடங்கு தொடர்பான கவிதையை வாசித்தார். அதில் இச் சடங்கு தொடர்பான தனது அனுபவங்களைப் பகிர்ந்தார். இதற்கு ஒருவரும் எதிர்ப்புக் கூறவில்லை. இதேபோல் கத்னா தொடர்பாகவும் ஒரு கவிதையையோ உரையையோ நடாத்தியிருக்கலாம். அது ஏன் தவிர்க்கப்பட்டது? என்ன நடந்தது என்பதை இலக்கிய சந்திப்புக் குழு வெளிப்படுத்த வேண்டும். இதன் மூலம் தேவையில்லைாத சந்தேகங்களையும் முரண்பாடுகளையும் தவிர்க்கலாம்.

கத்னா தொடர்பாக உரையாடப்பட்டபோது ஆண்கள் இவ்வாறு கத்னா நடப்பது தமக்கு தெரியாது என்றார்கள். அவ்வாறு நடந்தாலும் அது பெண்களுக்கு மட்டுமே தெரியும் என்றனர். இவர்களிடம் ஒரு கேள்வி. நீங்கள் உடலுறவில் ஈடுபடும் பொழுது பெண்களுக்கு எவ்வாறு உணர்ச்சி ஊட்டுவீர்கள்? அல்லது உணர்ச்சி ஏதுவும் ஊட்டாமலே புணர்ந்து விடுவீர்களா?

உடலுறவுக்கு முன்பான விளையாட்டில் ஈடுபட்டால் இந்தக் கிளிட்டரசைப் பயன்படுத்த வேண்டும்.  அப்பொழுது அது இருக்கின்றதா இல்லையா என்பதைப் புரிந்து கொள்ளலாம். ஆகவே இது பெண்களுக்கு மட்டுமே தெரியும் என்று சொல்லி தப்பிக்க முடியாது அல்லவா?

உண்மை அவர் அவர்களுக்கே வெளிச்சம்.

இது தொடர்பாக இனவாத மதவாத பின்னோட்டங்கள் அகற்றப்படும். ஆரோக்கியமான கருத்துக்களுக்கு மட்டுமே இடம் உள்ளது.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: